პსჟ ბარსელონას იკარდისა და აგუეროს გაცვლას შესთავაზებს - El Nacional
ფრანგული "პარი სენ-ჟერმენი" გუნდის თავდამსხმელის, მაურო იკარდის სერხიო აგუეროში გაცვლას გეგმავს. ამ ინფორმაციას El Nacional ავრცელებს.
კატალონიური წყაროს ცნობით, პსჟ არგენტინელი შემტევის გაშვებას აპირებს და მზადაა, ზამთრის სატრანსფერო ფანჯრის პერიოდში 28 წლის ფეხბურთელი მის თანამემამულეში გაცვალოს. ფრანგული კლუბი "ბარსას" იანვარში იკარდისა და აგუეროს ბარტერს შესთავაზებს.
აგუერო ტრავმის შემდეგ ახლახან გამოჯანმრთელდა. 33 წლის თავდამსხმელმა გუშინ "ვალენსიას" წინააღმდეგ მატჩში რამდენიმე წუთი ითამაშა.
რაც შეეხება იკარდის, იგი აგუეროსთან შედარებით უფრო ახალგაზრდაა, მაგრამ "ინტერის" ყოფილმა შემტევმა პსჟ-ში გადასვლის შემდეგ შედეგიანობას მოუკლო. მან ბოლო 3 წელიწადში მხოლოდ 22 გოლი გაიტანა. ასევე აღსანიშნავია ისიც, რომ მაურო ამჟამად სასტარტო შემადგენლობის წევრი არაა.
ამ სიახლეზე კომენტარები გათიშულია.
კომენტარები [ 7 ]