6 ძვირადღირებული ტრანსფერი, რომლებმაც მოლოდინები გაამართლა

6 ძვირადღირებული ტრანსფერი, რომლებმაც მოლოდინები გაამართლა

როცა კლუბი სატრანსფერო რეკორდს ამყარებს ან უბრალოდ, ფეხბურთელში 50 მილიონზე მეტს იხდის, ის ყველას ყურადღების ცენტრში ექცევა.

ბოლო პერიოდში "ბარსელონამ" ტრანსფერებში, რომელთა ნაწილიც წარუმატებელი გამოდგა, დიდი თანხები დახარჯა - ამის მაგალითებია უსმან დემბელე, ფილიპე კოუტინიო და ანტუან გრიზმანი.

თუმცა, ახლა მსგავს გარიგებებზე არ ვისაუბრებთ... Tribuna.com გვთავაზობს იმ მოთამაშეებს, რომლებშიც დიდი თანხები გადაიხადეს და რომლებმაც გაცემული ავანსები გაამართლეს:

დავიდ ვილია - 40 მილიონი ევრო

როდესაც "ბლაუგრანამ" ვილია 2010 წელს "ვალენსიადან" დიდი თანხის სანაცვლოდ გადაიბირა, ესპანელი თითქმის 30 წლის იყო.

მიუხედავად ამისა, დავიდმა შესანიშნავად ითამაშა და კატალონიელთა მაისურით 48 გოლის გატანა მოახერხა. მისი "ბარსელონური" კარიერის მთავარი მომენტი კი 2011 წლის ჩემპიონთა ლიგის ფინალში "მანჩესტერ იუნაიტედის" კარში გატანილი გოლია. ამავე წელს, მან გუნდთან ერთად ლა ლიგაც მოიგო.

ლუის სუარესი - 81.72 მილიონი ევრო

2014 წელს "ბარსელონაში" გადმოსვლამდე, ურუგვაელი პრემიერ ლიგის ერთ-ერთი საუკეთესო თავდამსხმელი იყო. მისი ხასიათისა და კბენის ჩვევის შესახებ ყველას მოეხსენება - 2014 წლის მსოფლიო ჩემპიონატზე სუარესმა დისკვალიფიკაცია სწორედ ამიტომ მიიღო.

თუმცა, კატალონიურმა გრანდმა "ელ პისტოლეროს" შეძენა მაინც გადაწყვიტა, რამაც გაამართლა - ლუისი "ბარსას" ისტორიაში ერთ-ერთ საუკეთესო შემტევად იქცა. 195 გოლით, სუარესი "ბარსელონას" ყველა დროის საუკეთესო ბომბარდირებს შორის მე-2 ადგილზე იმყოფება და მხოლოდ ლეო მესის ჩამორჩება, რომლის ანგარიშზეც 672 გოლია.

ფრენკი დე იონგი - 86 მილიონი ევრო

ნიდერლანდელი ნახევარმცველი "ბარსას", "აიაქსის" მაისურით ჩატარებული შთამბეჭდავი სეზონის შემდეგ შეუერთდა.

მიუხედავად მისი ტალანტისა, ფეხბურთელის სატრანსფერო ღირებულებას (75 მილიონი ევრო) კრიტიკოსთა მხრიდან დიდი გამოხმაურება და სკეპტიკური დამოკიდებულება მოჰყვა. 

საპასუხოდ, დე იონგმა დაამტკიცა, რომ სხვები ცდებოდნენ. ფრენკი ტრავმებს ძალიან იშვიათად იღებს და ბოლო 3 სეზონია, "ლურჯ-ბროწეულისფერთა" ერთ-ერთი უმნიშვნელოვანესი ფიგურაა.

ნეიმარი - 88 მილიონი ევრო

როცა ნეიმარის ფასი ცნობილი გახდა, გულშემატკივრების ნაწილს გაუკვირდა, თუ რატომ გადაიხადა "ბარსამ" ამხელა თანხა ახალბედა ბრაზილიელში, რომელსაც აქამდე ევროპაში არასდროს ჰქონდა ნათამაშები.

საბოლოოდ, ჟუნიორი "ბარსელონას" ერთ-ერთ საუკეთესო ინვესტიციად იქცა - მან კლუბთან ერთად ყველა შესაძლო ტიტულის მოგების გარდა, "ბლაუგრანას" დაეხმარა, რომ მასში დახარჯული თანხა მთლიანად დაებრუნებინა, როდესაც პსჟ-მა მის სანაცვლოდ 222 მილიონი ევრო გადაიხადა და სატრანსფერო რეკორდი დაამყარა.

რონალდინიო - 32 მილიონი ევრო

2003 წელს, რონალდინიოს "ბარსელონაში" გადმოსვლით ახალი ისტორია დაიწყო. ბევრი არ ელოდა, რომ ბრაზილიელი ჯადოქარი მომდევნო წლებში მსოფლიოს საუკეთესო ფეხბურთელად მოგვევლინებოდა.

"ლურჯ-ბროწეულისფერთა" რიგებში მან ყველაფერი მოიგო, მათ შორის, ჩემპიონთა ლიგაც და, რა თქმა უნდა, "ოქროს ბურთი".

დანი ალვესი - 35 მილიონი ევრო

2008 წელს 35 მილიონი ევრო ძალიან დიდი თანხა იყო (დღევანდელისგან განსხვავებით) - ეს ნათლად აჩვენებს, თუ რამდენად დიდ რისკზე წავიდა "ბარსელონა", როცა ბრაზილიელ მარჯვენა მცველში "სევილიას" ამდენი გადაუხადა.

საბოლოოდ, დანიმ თავისი შესაძლებლობები ყველას დაუმტკიცა და კატალონიურ გრანდში 26 ტიტული დაისაკუთრა. ამჟამად ის მსოფლიოს ყველა დროის ყველაზე ტიტულიანი ფეხბურთელია.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 5 ]

    ინფორმაცია
    ამ სიახლეზე კომენტარები გათიშულია.
    საიტის ლეგენდა  [?]
    #5 16 ოქტომბერი 2021 18:48
    0
    ეგება მწერლებს მეტი ყურადღება გამოეჩინათ მსგავსი ნიუსების დადებისას.
    მაგალითად სუარესს ბარსაში 195 კი არა 198 გოლი აქვს. და თუ უფრო ზუსტად გაინტერესებთ ხოლმე მსგავსი სტატიების წერა, მაშინ ბარსამანიაზე არსებულ სტატისტიკურ მონაცემებს მაინც დაეყრდენით ხოლმე, სადაც ჩვენ კონკურსის დრო გვაგზავნით ხოლმე. ორი წუთი დამჭირდა რო ეს სტატისტიკა ამომეღო გვერდიდან გუნდის ლეგენდები.
    ფეხბურთელი თამაშის წლები მატჩი გოლი
    პაულინო ალკანტარა თავდამსხმელი 1912-1927 357 369
    ხოსეპ სამიტიერი თავდამსხმელი 1918–1933 454 326
    ხოსეპ ესკოლა თავდამსხმელი 1934-1949 253 223
    სეზარ როდრიგესი თავდამსხმელი 1942-1955 433 294
    ლადისლაუ კუბალა თავდამსხმელი 1950-1961 345 274
    კარლეს რექსაჩი თავდამსხმელი 1965-1981 656 197
    თუ ბარსამანია არ გვატყუებს მაშინ სუარესზე მეტი გოლი მინიმუმ 5 ფეხბურთელს აქვს გატანილი.
    გულშემატკივარი [?]
    #4 16 ოქტომბერი 2021 00:40
    0
    დე იონგი მარტო მე მიცრუებს იმედებს? კუმანი როცა გაასხამს მერე უფრო ათამაშდება იმედია
    Culé [?]
    #3 16 ოქტომბერი 2021 00:22
    3
    დე იონგს არ გაუმართლებია თავისი ფასი ჯერ, 86 მილიონს რომ იხდი ფეხბურთელში უნდა იფრინოს იმან. სუარესს რაც შეეხება, კლუბის მესამე საუკეთესო ბომბარდირია და არა მეორე. მეორეზე სეზარ როდრიგესია 232 გოლით თუარ ვცდები.
    Culé [?]
    #2 15 ოქტომბერი 2021 23:34
    4
    დე იონგს ჯერ-ჯერობით არაფერი გაუკეთებია 86 მილიონის. იმედია ჩაეწერება ლეგენდების სიაში
    --------------------
    1)ჩემს გუნდებში, მეკარე მთავარი შემტევია, ცენტრფორვარდი კი - მთავარი დამცველი.
    2)მხოლოდ ერთი ბურთი არსებობს და ის შენ უნდა გქონდეს.
    გულშემატკივარი [?]
    #1 15 ოქტომბერი 2021 23:09
    4
    ელ გუახე გვაკლია შეტევაში :(