ვალენსიასთან მატჩის მსაჯი ცნობილია

ვალენსიასთან მატჩის მსაჯი ცნობილია

"ბარსელონა", სანაკრებო შესვენების შემდეგ, პირველ მატჩს 17 ოქტომბერს, 23:00 საათზე, შინ, "ვალენსიას" წინააღმდეგ გამართავს.

ესპანეთის ფეხბურთის ფედერაციის გადაწყვეტილებით, აღნიშნული შეხვედრის მთავარი მსაჯი ხესუს ხილ მანსანო იქნება, VAR-ის ოთახიდან კი მას მუნუერა მონტერო დაეხმარება.

37 წლის ესპანელს ლა ლიგაში დებიუტი 2012 წელს ჰქონდა, 2014 წლიდან კი ის ფიფას კატეგორიის არბიტრია.

მანსანოს "ბარსელონას" მატჩებში 28-ჯერ უმსაჯია. აქედან კატალონიელებმა 16 შეხვედრის მოგება მოახერხეს, 6 წააგეს და ფრედაც 6 დაასრულეს. ბოლოს ხესუს ხილს "ბლაუგრანას" მონაწილეობით "ელ კლასიკოს" გაძღოლა ხვდა წილად, რომელიც "რეალმა" 2-1 მოიგო. თამაშის ბოლოს კი მსაჯმა მარტინ ბრეითუეიტზე საკამათო სიტუაციაშო პენალტი არ დანიშნა. 

მანსანოს "ბარსას" ფეხბურთელებისთვის 64 ყვითელი და სამი წითელი ბარათი აქვს ნაჩვენები. ამ უკანასკნელიდან ერთ-ერთი ლიონელ მესის, ესპანეთის სუპერ თასის ფინალში, ბილბაოს "ატლეტიკის" წინააღმდეგ უჩვენა. 

რაც შეეხება "ბლაუგრანას" მეტოქეს, 37 წლის არბიტრს "ვალენსიას" შეხვედრები 27-ჯერ განუსჯია, რომელთაგან 12 "ღამურების" გამარჯვებით, 8 მარცხით, ხოლო 7 - ფრედ დასრულდა. მანსანოს ვალენსიელებისთვის 75 ყვითელი და მხოლოდ ერთი წითელი ბარათი აქვს ნაჩვენები.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 2 ]

    ინფორმაცია
    მომხმარებლებს, რომლებიც იმყოფებიან ჯგუფში სტუმარი, ამ მასალაზე კომენტარის დამატების უფლება არ აქვთ.
    საიტის ლეგენდა  [?]
    #2 15 ოქტომბერი 2021 16:24
    0
    ციტატა: El pistolero 9
    რთული მატჩი მოგველის ვალენსიასთან. ვფიქრობ მანდაც წავაგებთ. ნეტა მამარდა დადგეს კარში და ვერ გავუტანოთ ეგ მაინც გამიხარდება

    ნეტა მოვუგოთ და ვინც უნდა ის იდგეს.
    Culé [?]
    #1 14 ოქტომბერი 2021 18:24
    1
    რთული მატჩი მოგველის ვალენსიასთან. ვფიქრობ მანდაც წავაგებთ. ნეტა მამარდა დადგეს კარში და ვერ გავუტანოთ ეგ მაინც გამიხარდება
    --------------------
    1)ჩემს გუნდებში, მეკარე მთავარი შემტევია, ცენტრფორვარდი კი - მთავარი დამცველი.
    2)მხოლოდ ერთი ბურთი არსებობს და ის შენ უნდა გქონდეს.