MD: შესაძლოა სეზონის ბოლოს უმტიტიმ კლუბი უფასოდ დატოვოს

"ბარსელონას" ფრანგი მცველი, სამუელ უმტიტი, შესაძლოა, მომდევნო ზაფხულში თავისუფალი აგენტი გახდეს, წერს Mundo Deportivo.

კატალონიური გამოცემის მტკიცებით, FIFA-ს წესდების მიხედვით, იმ შემთხვევაში, თუ ფეხბურთელი კლუბის მიერ ჩატარებული მატჩების 10%-ში მონაწილეობას არ მიიღებს, მას, ხელშეკრულების ცალმხრივად გაწყვეტის უფლება ენიჭება. გარკვეული სპორტული საფუძვლების არსებობის შემთხვევაში, შესაძლოა, კლუბს კომპენსაციის გადახდის ვალდებულებაც დაეკისროს.

თუ ფეხბურთელი კლუბთან კონტრაქტის ამ გზით გაწყვეტას გადაწყვეტს (რაც გასული სატრანსფერო ფანჯრის გათვალისწინებით, რთულად წარმოსადგენია), მან ამის შესახებ სეზონის უკანასკნელ ოფიციალურ თამაშამდე 15 დღით ადრე უნდა განაცხადოს.

მიმდინარე სეზონში ჩატარებულ 9 მატჩში 27 წლის ფეხბურთელს მოედანზე ერთი წუთიც კი არ გაქვს გატარებული. 2018 წლის დეკემბერში, Transfermarkt მას 70 მილიონ ევროს აფასებდა, ახლა კი მისი ღირებულება 8 მილიონი ევროა.