რა შემთხვევაში შეიძენს ბარსელონა რაჰიმ სტერლინგს

ბოლო პერიოდში, "მანჩესტერ სიტის" შემტევს, რაჰიმ სტერლინგს "ბარსელონას" ხშირად უკავშირებენ.

მიუხედავად ამისა, Mundo Deportivo-ს ინფორმაციით, კატალონიური გრანდის დირექტორი, მატეუ ალემანი ინგლისელის შეძენაზე, მხოლოდ უსმან დემბელეს წასვლის შემთხვევაში იფიქრებს.

ამასთან, გასათვალისწინებელია, რომ სტერლინგი მემფის დეპაისა და ანსუ ფატის პოზიციაზე თამაშობს, რაც დამატებითი პრობლემაა - "ბარსას" ამ მომენტში მარჯვენა გარემარბები სჭირდება.

წარმოშობით იამაიკელს "ქალაქელებთან" კონტრაქტი 2023 წელს ეწურება. გავრცელებული ცნობებით, ის "ეტიჰადის" ბინადრებთან ხელშეკრულების გახანგრძლივებას არ აპირებს და ზამთრის სატრანსფერო ფანჯარაზე "ბლაუგრანაში" გადმოსვლა სურს.