ჟოან ლაპორტა: იმედი მქონდა, რომ მესი უფასოდ თამაშს შემოგვთავაზებდა
"ბარსელონას" პრეზიდენტმა, ჟოან ლაპორტამ, დღეს, RAC1-თან ჩაწერილ ინტერვიუში საინტერესო განცხადება გააკეთა.
ლიონელ მესის წასვლის შესახებ საუბრისას, ლაპორტამ თქვა, რომ როდესაც ლა ლიგასთან შეთანხმება საბოლოოდ ვერ მოხერხდა, იმედი ჰქონდა, რომ მესი კლუბს ანაზღაურების გარეშე თამაშს შესთავაზებდა.
მესის დარჩენა სურდა, თუმცა, ამავდროულად, ისინი გარკვეული წნეხის ქვეშ იყვნენ, რადგან პსჟ-ისგან წინადადება ჰქონდათ. ვფიქრობ, მათ იცოდნენ, რომ თუ იგი "ბარსაში" ვერ დარჩებოდა, პსჟ-ს შეურთდებოდა. ბოლო წამს, იმედი მქონდა, რომ მესი უფასოდ თამაშს შემოგვთავაზებდა, ლა ლიგა ამას არ დაბლოკავდა, მაგრამ ჩვენ მისი დონის ფეხბურთელს ამას ვერ ვთხოვდით.
იმედი მქონდა, რადგან მას ვიცნობ, პირველ გუნდს ჩემს დროს შეუერთდა, მის ოჯახს ძალიან დავეხმარე. მან იცოდა, რომ როდესაც ფინანსური მდგომარეობის გამოსწორებას შევძლებდით, შეთანხმებულ ანაზღაურებას მიიღებდა.
ჩვენ გვსურს, რომ, თუ მათი სურვილიც იქნება, როდესაც ამისთვის შესაფერისი დრო მოვა, სათანადო გამოსამშვიდობებელი ღონისძიება მოვაწყოთ.
- თქვა მან.
ასევე, ამავე ინტერვიუში ლაპორტამ ნეიმარის შესაძლო დაბრუნების შესახებ ისაუბრა.
ამ სიახლეზე კომენტარები გათიშულია.
კომენტარები [ 25 ]