ეროვნულ ნაკრებში გამოძახებული ბარსელონელები
"ბარსელონაში" საკლუბო ფეხბურთი 17 ოქტომბერს, "კამპ ნოუზე", "ვალენსიასთან" გასამართი მატჩით დაბრუნდება.
"ბარსადან" ეროვნულ ნაკრებებში 11 ფეხბურთელია გამოძახებული:
ესპანეთი - რობერტო, გარსია, ბუსკეტსი, გავი
კატალონიური გუნდიდან ლუის ენრიკე, როგორც წესი, ოთხ ფეხბურთელს იძახებს, თუმცა ამ შემთხვევაში განაცხადში, ალბასა და პედრის ნაცვლად, რობერტო და გავი მოხვდნენ. ესპანეთს წინ ერთა ლიგის ოთხთა ფინალი ელის. 6 ოქტომბერს, ნახევარფინალში იტალიის დამარცხების შემთხვევაში, ესპანეთი 10 ოქტომბერს, დასკვნით შეხვედრაში ბელგიასა და საფრანგეთს შორის საუკეთესოს დაუპირისპირდება.
ნიდერლანდები - ფ. დე იონგი, ლ. დე იონგი, მემფისი
ესპანეთის გარდა, ყველა სხვა ნაკრები მსოფლიო ჩემპიონატის შესარჩევი ეტაპის მატჩებს ჩაატარებს, მათ შორის ნიდერლანდებიც. ლუი ვან გაალის გუნდს წინ იოლი შეხვედრები ელის - 8 ოქტომბერს ლატვიასთან და 11 ოქტომბერს გიბრალტართან.
გერმანია - ტერ შტეგენი
გერმანელები 8 ოქტომბერს რუმინეთს შეხვდებიან, 11-ში კი - მაკედონიას.
ავსტრია - დემირი
"ბარსელონას" 18 წლის ახალწვეულის ავსტრია 9 ოქტომბერს ფარერებს ეთამაშება, 12 ოქტომბერს კი - დანიას.
ურუგვაი - არაუხო
ოსკარ ტაბარესის გუნდს წინ სამი, ძალიან მნიშვნელოვანი მატჩი ელის - კოლუმბია (8 ოქტომბერი), არგენტინა (11 ოქტომბერი) და ბრაზილია (15 ოქტომბერი).
შეერთებული შტატები - დესტი
არაუხოს მსგავსად, დესტის ნაკრებიც სამ მატჩს ჩაატარებს. ამერიკელები 8 ოქტომბერს იამაიკას შეხვდებიან, 11 ოქტომბერს პანამას, ხოლო 14 ოქტომბერს კი - კოსტა რიკას.
"ბარსელონაში" დარჩენილი ფეხბურთელები დღეს, ხვალ და ზეგ "სიუტატ ესპორტივაზე" ივარჯიშებენ, შემდეგ კი 5-დღიანი შვებულება ექნებათ.
ამ სიახლეზე კომენტარები გათიშულია.
კომენტარები [ 2 ]