ერთი დღე "ბარსას" ისტორიაში - 27 სექტემბერი

წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 27 სექტემბერს მოხდა.

თამაშები

27 სექტემბერს "ბარსელონამ" 18 ოფიციალური თამაში ჩაატარა, საიდანაც კატალონიელებმა 10 მოიგეს, 5 ფრედ დაასრულეს და 3 წააგეს.

1920 წელი

დაიბადა "ბარსელონას" ყოფილი არგენტინელი ნახევარმცველი მარკოს აურელიო დი პაულო. მან "ბლაუგრანაში" 1949-51 წლებში ითამაშა და 1 ესპანეთის ჩემპიონატი, 1 ესპანეთის თასი, 1 ევა დუარტეს თასი (ესპანეთის სუპერ თასი) და 1 ლათინური თასი მოიგო. დი პაულო ლა ლიგაში "ბარსელონას" მე-1000 გოლის ავტორია.

1942 წელი

"ბარსელონამ" სეზონი მადრიდში "რეალ მადრიდთან" 0-3 წაგებით დაიწყო.

1956 წელი

დაიბადა "ბარსელონას" ყოფილი შოტლანდიელი თავდამსხმელი სტივ არჩიბალდი. 1984-1987 წლებში მან "ბლაუგრანას" მაისურით 78 თამაში ჩაატარა და 32 გოლი გაიტანა. არჩიბალდმა კატალონიურ გუნდში 1 ესპანეთის ჩემპიონატი და 1 ესპანეთის ლიგის თასი მოიგო.

2005 წელი

"ბარსელონამ" ჩემპიონთა ლიგაზე თავისი 150-ე თამაში ჩაატარა. "უდინეზესთან" 4-1 მოგება ამ ტურნირზე 50-ე თამაში იყო კარლეს პუიოლისთვის. ამ შეხვედრაში გოლები რონალდინიომ (3) და დეკუმ გაიტანეს.

2014 წელი

"ბარსელონამ" "გრანადა" "კამპ ნოუზე" 6-0 გაანადგურა. ნეიმარმა "ბარსაში" პირველი ჰეთ თრიქი გაიფორმა, მესიმ კი კარიერაში მე-400 გოლი გაიტანა.

2020 წელი

ლა ლიგაში "ვილიარეალთან" 4-0 მოგებულ შეხვედრაში "ბარსელონას" შემადგენლობაში პედრის, პიანიჩის, ტრინკაუსა და მთავარი მწვრთნელი რონალდ კუმანის ოფიციალური დებიუტი შედგა.