ჩავი ბარსელონას ელოდება - MD

"ბარსელონას" ლეგენდარული ფეხბურთელი და კატარული "ალ სადის" ამჟამინდელი მთავარი მწვრთნელი ჩავი ერნანდესი მისი მშობლიური გუნდის ჩასაბარებლად მზადაა.

Mundo Deportivo-ს ინფორმაციით, ჩავი "ბარსას" სიამოვნებით გაწვრთნიდა. იგი "ბლაუგრანას" პრეზიდენტის, ჟოან ლაპორტას ზარს ელოდება.

იმავე წყაროს ცნობით, ჩავიმ კარგად იცის, რომ მას კლუბის თანამშრომლებისგან დიდი მხარდაჭერა აქვს. ესპანელი ლეგენდა "ბარსელონას" ჩაბარებას იმ შემთხვევაშიც კი დასთანხმდება, თუ მას სპორტული პროექტი მინიმალურ დონეზე მოეწონება.

ჩავი რონალდ კუმანს დიდ პატივს სცემს, რადგან იგი "ბარსასთვის" ისტორიული ფიგურაა. თუმცა, თუ ნიდერლანდელს გაათავისუფლებენ და ესპანელ სპეციალისტს მწვრთნელის თანამდებობას შესთავაზებენ, იგი ამ გამოწვევას მიიღებდა და კლუბს არც ბევრ პირობას წაუყენებდა.