ჩავი კუმანის შეცვლის ფავორიტ კანდიდატად ყალიბდება
Mundo Deportivo-ს ცნობით, რობერტო მარტინესისა და ჩავი ერნანდესის კანდიდატურებს შორის ფავორიტი "ბარსას" ლეგენდარული ნახევარმცველი გახდა.
თავდაპირველად, ჟოან ლაპორტა უპირატესობას მარტინესს ანიჭებდა და მიიჩნევდა, რომ ჩავის "ბარსელონას" მთავარი მწვრთნელის პოსტზე მუშაობისთვის საჭირო გამოცდილება არ აქვს, ახლა კი აპირებს, რომ გუნდი მას ჩააბაროს, თუ ამ გადაწყვეტილებას დირექტორთა საბჭოს წევრები სწორად ჩათვლიან. ამას კატალონიური Sport წერს.
"ბარსას" ორივე კანდიდატთან კონტაქტი უკვე ჰქონდა და მათგან თანხმობა მიღებული აქვს. საბოლოო გადაწყვეტილება კლუბის პრეზიდენტმა უნდა მიიღოს.
რაც შეეხება ახალგაზრდული გუნდის ყოფილ მწვრთნელ ოსკარ გარსიას, რომელთან დაკავშირებითაც ფრანგულ პრესაში ინფორმაცია გუშინ გავრცელდა, კატალონიური გამოცემები ჯერჯერობით არ ახსენებენ.
ამ სიახლეზე კომენტარები გათიშულია.
კომენტარები [ 20 ]