Goal: ბარსელონა რობერტო მარტინესს დაუკავშირდა
ბელგიის ნაკრების მთავარ მწვრთნელს, რობერტო მარტინესსა, და "ბარსელონას" შორის პირველი კონტაქტი შედგა, იტყობინება Goal.
ცნობის თანახმად, კონტაქტს მოლაპარაკებების ფორმა არ ჰქონია. მარტინესმა ბელგიის ფეხბურთის ფედერაციას უკვე აცნობა, რომ შესაძლოა, "ბარსელონაში" მუშაობას დათანხმდეს, თუმცა იგი ნაკრებს ოქტომბერში გასამართი ერთა ლიგის მატჩების დასრულებამდე (10 ოქტომბერი) არ დატოვებს. ხელშეკრულების გამოსასყიდი თანხის ოდენობა 1.5 მილიონ ევროს შეადგენს.
ესპანელი რონალდ კუმანის შეცვლის მთავარი კანდიდატია, თუმცა ეს არ ნიშნავს, რომ "ბარსელონამ" გადაწყვეტილება უკვე მიიღო. კლუბს კონტაქტი სხვა სპეციალისტებთანაც ჰქონდა.
მარტინესი ლაპორტას ფავორიტია და მასთან თანამშრომლობას იგი საპრეზიდენტო არჩევნებამდეც განიხილავდა. ასევე, მარტინესს კარგი ურთიერთობა აქვს "ბარსელონას" ხელმძღვანელობაში მყოფ რამდენიმე პირთან, მათ შორის ჟორდი კრუიფთან. იგი კრუიფის შვილის ნათლიაა და პირიქით - კრუიფი მარტინესის შვილის.
განსხვავებულ ინფორმაციას ავრცელებს Mundo Deportivo, რომელიც წერს, რომ "ბარსელონას" მთავარ მწვრთნელად დანიშვნის მთავარი კანდიდატია ჩავი ერნანდესია.
ამ სიახლეზე კომენტარები გათიშულია.
კომენტარები [ 18 ]