ბარსელონა დე იონგის წითელსა და ბუსკეტსის ყვითელ ბარათებს გაასაჩივრებს
"ბარსელონას" მიერ გავრცელებული ოფიციალური განცხადების მიხედვით, კლუბი გუშინ, სერხიო ბუსკეტსისთვის ნაჩვენებ ყვითელ ბარათსა და ფრენკი დე იონგის გაძევებას გაასაჩივრებს.
"ბარსელონა" საჩივარს საშეჯიბრო კომიტეტში წარადგენს. "კადისთან" შეხვედრას კარლოს დელ სერო გრანდე სჯიდა.
მატჩის ოქმში დელ სერო გრანდეს ნიდერლანდელისთვის ნაჩვენები მეორე ყვითელი ბარათი შემდეგნაირად აქვს შეფასებული: "სათამაშო ეპიზოდში ოპონენტის დაუდევარი მოქმედებით წაქცევა".
ბუსკეტსმა გაფრთხილება 96-ე წუთზე მიიღო. ოქმში ამის შესახებ წერია: "მოედანზე არსებული მეორე ბურთის ოპონენტის მიმართულებით დარტყმა, რომელიც ფლობდა ბურთს, და შედეგად თამაშის პროცესისთვის ხელის შეშლა".
ამ ეპიზოდს რონალდ კუმანის გაძევებაც მოჰყვა. "ლევანტესთან" შეხვედრას, რომელიც შესაძლოა ნიდერლანდელისთვის "ბარსელონაში" უკანასკნელი აღმოჩნდეს, კუმანი თვალს ტრიბუნიდან მიადევნებს.
ამ სიახლეზე კომენტარები გათიშულია.
კომენტარები [ 7 ]