კუმანი კადისთან ფრის შემდეგ: გუნდი კარგად გამოიყურებოდა
ზედიზედ მეორე მატჩში ქულების დაუგეგმავად დაკარგვის შემდეგ "ბარსელონას" მთავარმა მწვრთნელმა, რონალდ კუმანმა ჟურნალისტებთან კომენტარი გააკეთა და "კადისთან" უგოლო ფრე შეაფასა.
ვფიქრობ, გუნდი კარგად გამოიყურებოდა. ბურთს ვფლობდით. ფეხბურთელებზე ცუდს ვერაფერს ვიტყვი, ისინი დღეს კარგები იყვნენ.
დღევანდელ შეხვედრაში ბოლო შეხება გვაკლდა. როდესაც გოლი ვერ გაგაქვს, ვერ მოიგებ.
დე იონგის გაძევებამ თამაში უფრო გაართულა. მე მსაჯს ვუთხარი, რომ მოედანზე მეორე ბურთ იყო, მან კი გამაძევა. ამ ქვეყანაში შეიძლება არაფრისთვის გაგაგდონ. მეორე ბურთი მსაჯის გარდა ყველამ დაინახა.
მომენტები რომ გამოგვეყენებინა, მოვიგებდით. განსაკუთრებით ბოლო წუთებზე მემფისის მომენტი.
გუნდი კარგად მუშაობს. საჭირო შემართების დასაბრუნებლად მოგება გვჭირდება.
მწვრთნელის მომავალი თამაშის შედეგზე არაა დამოკიდებული. მხედველობაში გუნდის მუშაობა და დონე უნდა მივიღოთ.
შედეგით, რა თქმა უნდა, უკმაყოფილო ვარ, მაგრამ გუნდის შემართება აღსანიშნავია.
დღეს ტრავმების გამო 6 ფეხბურთელი გვაკლდა.
მეტოქის ნახევარზე კრეატიულობა გვაკლდა, მაგრამ ამის მიუხედავად მომენტების შექმნა მოვახერხეთ.
ამ სიახლეზე კომენტარები გათიშულია.
კომენტარები [ 27 ]