ბარსელონა კოლიადოსთან კონტრაქტის გაწყვეტას არ აპირებს
ცოტა ხნის წინ გავრცელდა ინფორმაცია, რომლის თანახმადაც, "ბარსელონა" ახლგაზრდა ნახევარმცველთან, ალექს კოლიადოსთან თანამშრომლობას წყვეტს, თუმცა, როგორც ჩანს, ეს ცნობები სიმართლეს არ შეესაბამება.
ბარსელონელი ჟურნალისტი ტონი ხუანმარტი იტყობინება, რომ კატალონიური კლუბი 22 წლის ფეხბურთელთან ხელშეკრულებას არ გაწყვეტს. "ბარსა" გამოსავალს იანვარში მოძებნის.
ამ ინფორმაციას კიდევ ერთი ცნობილი ჟურნალიტსი ალბერტ როგეც ადასტურებს. მისი ცნობებით, კოლიადოს დარჩენა უნდა. კლუბი ალექსს სამომავლოდ მნიშვნელოვან ფეხბურთელად მიიჩნევს და კატალონიელებს მასთან სამუდამოდ განშორება არ სურთ. კოლიადო ამ ეტაპზე პირველ გუნდთან ერთად ვარჯიშობს.
ცნობისთვის, "ბარსამ" კოლიადოს დარეგისტრირება ვერცერთ გუნდში ვერ შეძლო. ფეხბურთელი იანვრამდე მოიცდის. ყველაფერი ზამთრის სატრანსფერო ფანჯრის პერიოდში გაირკვევა.
ამ სიახლეზე კომენტარები გათიშულია.
კომენტარები [ 35 ]