ბაიერნთან მატჩისთვის ბარსელონას განაცხადი ცნობილია
დღეს თბილისის დროით 23:00 საათზე "ბარსელონა" ჩემპიონთა ლიგის ჯგუფური ეტაპის პირველ შეხვედრას შინ, "ბაიერნის" წინააღმდეგ ჩაატარებს. რონალდ კუმანმა ამ შეხვედრისთვის "ლურჯ-ბროწეულისფერთა" 23-კაციანი განაცხადი დაასახელა.
განაცხადში გუნდის ახალწვეული, ლუკ დე იონგი მოხვდა, რომელსაც დღეს დებიუტი ექნება. ასევე დაბრუნდნენ ახლახან გამოჯანმრთელებული ფეხბურთელები: სერჟინიო დესტი, ჟორდი ალბა და ჟერარ პიკე, რომელთა თამაშიც საეჭვო იყო. აღსანიშნავია, რომ ნიდერლანდელმა სპეციალისტმა სარეზერვო გუნდის სამი ფეხბურთელი: ალეხანდრო ბალდე, ნიკო გონსალესი და გავი გამოიძახა.
სრული სია ასეთია:
მეკარეები: ტერ შტეგენი, ნეტუ, პენია
მცველები: მინგესა, არაუხო, პიკე, ლანგლე, ალბა, უმტიტი, ბალდე, დესტი
ნახევარმცველები: ბუსკეტსი, ფრენკი დე იონგი, პედრი, პუჩი, გავი, ნიკო გონსალესი, რობერტო, კოუტინიო
თავდამსხმელები: მემფისი, ლუკ დე იონგი, დემირი
შეხვედრის პირდაპირ ტრანსლაციას სილქ უნივერსალი და Silksport.ge შემოგთავაზებთ.
ამ სიახლეზე კომენტარები გათიშულია.
კომენტარები [ 11 ]