სარეზერვო გუნდების ელ კლასიკოს თარიღი ცნობილია

ოფიციალური ინფორმაციით, კატალონიის "ბარსელონასა" და მადრიდის "რეალის" სარეზერვო გუნდები ერთმანეთს კვირას, 17 ოქტომბერს დაუპირისპირდებიან.

გუნდების "ელ კლასიკო" სეგუნდა დივიზიონ ბ-ს მე-8 ტურის ეგიდით გაიმართება. ასევე ცნობილია, რომ ჩემპიონატის რიგით მე-2 სუპერმატჩი მომდევნო წელს, 30 იანვარსაა ჩანიშნული.

ხსენებული კლუბები ერთმანეთს სულ 27-ჯერ დაუპირისპირდნენ. მთლიანობაში, მოგებებით მადრიდელები ლიდერობენ - მათ "ბლაუგრანას" სარეზერვო გუნდს 15-ჯერ მოუგეს და 49 გოლი გაუტანეს.