RAC1: ჟოან ლაპორტას ნეიმარის დაბრუნება სურდა
"ბარსელონას" პრეზიდენტს, ჟოან ლაპორტას, ზაფხულის სატრანსფერო ფანჯრის დროს, ნეიმარის გაფორმება სურდა, იტყობინება RAC1.
კატალონიური გამოცემის მტკიცებით, მას შემდეგ, რაც ლაპორტა პრეზიდენტის მოვალეობის შესრულებას შეუდგა, მან პარიზში კლუბის ორი წარმომადგენელი გაგზავნა, რათა ბრაზილიელ ფეხბურთელთან მოლაპარაკებები დაწყებულიყო. ნეიმარი მზად "კამპ ნოუზე" დაბრუნებისთვის მზად იყო, რადგან მას ლიონელ მესისთან ერთად თამაში სურდა. ამ პერიოდში, "ბარსელონაში" ფინანსური აუდიტი ჩატარებული ჯერ არ იყო.
ამავე ცნობის თანახმად, მას შემდეგ, რაც "პარი სენ-ჟერმენისთვის" "ბარსას" ინტერესის შესახებ ცნობილი გახდა, პროცესის ჩასაშლელად, პარიზელებმა ნეიმარის მამას, დაახლოებით, 20 მილიონი ევრო გადაუხადეს.
საბოლოოდ, ნეიმარის სურვილი რეალობად იქცა, თუმცა მას მესისთან ერთად, "ბლაუგრანას" ნაცვლად, "პსჟ-ის" რიგებში ვიხილავთ.
ამ სიახლეზე კომენტარები გათიშულია.
კომენტარები [ 11 ]