შეცდომა, რომლის გამოც ალექს კოლიადოს ტრანსფერი ჩაიშალა
როგორც ცნობილი იყო, ალექს კოლიადომ აგვისტოს ბოლოს "ბარსელონადან" იჯარით წასვლა გადაიფიქრა, თუმცა აღმოჩნდა, რომ ეს მხოლოდ სატრანსფერო პერიოდის ბოლო დღემდე გაგრძელდა.
ჟურნალისტ ფერან მარტინესის ინფორმაციით, კოლიადომ რამდენიმე კლუბის შემოთავაზება უარყო, თუმცა ბოლოს გადაწყვიტა, რომ ინგლისურ "შეფილდ იუნაიტედში" გადასულიყო, რადგან რონალდ კუმანისგან სათამაშო დროს ვერ იღებდა.
ჩემფიონშიფის კლუბმა ფეხბურთელთან შეთანხმებას მალევე მიაღწია, დღის ბოლომდე კი "ბარსელონას" ოფიციალური თანხმობა იყო საჭირო. "ბარსამ" რეგისტრაციისთვის საჭირო დოკუმენტები ღამის 11 საათზე გააგზავნა, მაგრამ გაირკვა, რომ ერთ-ერთ მნიშვნელოვან პუნქტს ხელმოწერა აკლდა. დარჩენილ წუთებში შეცდომის გამოსწორება ვეღარ მოესწრო.
ახლა "ბარსელონაში" კოლიადოს ისეთ ლიგაში განათხოვრებაზე ფიქრობენ, სადაც სატრანსფერო ფანჯარა ჯერ არ დახურულა. ალტერნატიული ვარიანტი მისი "ბარსა ბ-ში" ხელახლა დარეგისტრირება იქნება, რაც რთულ სამართლებრივ პროცედურებთანაა დაკავშირებული.
ამ სიახლეზე კომენტარები გათიშულია.
კომენტარები [ 10 ]