პიანიჩსა და კოლიადოს წასვლა კვლავ შეუძლიათ
მირალემ პიანიჩმა და ალექს კოლიადომ, შესაძლოა, "ბარსელონა" უახლოეს დღეებში დატოვონ.
Mundo Deportivo-ს ინფორმაციით, შესაძლებელია, ხსენებული ფეხბურთელები ისეთი ქვეყნის გუნდებში გადავიდნენ, სადაც სატრანსფერო ფანჯარა ჯერ არ დახურულა. ასეთი ქვეყნებია: თურქეთი, რუსეთი და არაბეთის გაერთიანებული საამიროები.
წყაროს თანახმად, პიანიჩი და კოლიადო გუნდის დატოვებას იმედოვნებენ, ვინაიდან კარგად მოეხსენებათ, რომ რონალდ კუმანი მათ არ ენდობა.
კატალონიის რადიო წერს, რომ ბოსნიელის აგენტები რუსულ და თურქულ კლუბებთან მოლაპარაკებებს აწარმოებენ და მისი ტრანსფერი რამდენიმე დღეში განხორციელდება.
კოლიადოსთან დაკავშირებით კი დამატებითი ინფორმაცია არ ვრცელდება. მისი მიზანი "ბარსელონაში" წარმატების მიღწევა იყო და, შეგვიძლია, ვივარაუდოთ, რომ ესპანელი კლუბს იჯარით დატოვებს.
რუსეთში სატრანსფერო ფანჯარა 7 სექტემბერს იხურება, თურქეთში - 8 სექტემბერს. არაბეთის გაერთიანებულ საამიროებზე ინფორმაცია არ ვრცელდება.
ამ სიახლეზე კომენტარები გათიშულია.
კომენტარები [ 8 ]