ერთი დღე "ბარსას" ისტორიაში - 1 სექტემბერი
წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 1 სექტემბერს მოხდა.
თამაშები
1 სექტემბერს "ბარსელონამ" 6 ოფიციალური თამაში ჩაატარა, საიდანაც კატალონიელებმა 4 მოიგეს და 2 ფრედ დაასრულეს.
1956 წელი
ჩემპიონთა თასის იმჟამინდელმა გამარჯვებულმა, მადრიდის "რეალ მადრიდმა" ქალაქ ბარსელონას გუნდთან ამხანაგური შეხვედრა ჩაატარა და 7-3 მოიგო.
1969 წელი
დაიბადა "ბარსელონას" ყოფილი (1990-2004) ხელბურთელი ენრიკ მასიპი.
1976 წელი
სალვადორ სადურნის, ანტონი ტორესისა და ჟოაკიმ რიფეს გაცილების მატჩში "ბარსელონამ" "რეიმსს" 2-0 მოუგო. გოლები ნეესკენსმა და ოლმომ გაიტანეს.
1981 წელი
კარლეს რეშაკის გამოსამშვიდობებელ მატჩში "ბარსელონამ" არგენტინის ნაკრები 1-0 დაამარცხა.
1990 წელი
"ბარსელონაში" ხრისტო სტოიჩკოვის დებიუტი შედგა. "ბლაუგრანამ" გასვლით დერბიში "ესპანიოლი" სწორედ ბულგარელის ერთადერთი გოლით დაამარცხა.
1995 წელი
დაიბადა "ბარსელონას" ყოფილი თავდამსხმელი მუნირ ელ ჰადადი. 2013-2019 წლებში მუნირმა "ბლაუგრანას" მაისურით 59 თამაში ჩაატარა და 12 გოლი გაიტანა. კატალონიურ გუნდში მან 3 ესპანეთის ჩემპიონატი, 2 ესპანეთის თასი, 2 ესპანეთის სუპერ თასი, 1 ჩემპიონთა ლიგა, 1 მსოფლიოს საკლუბო ჩემპიონატი და 1 ევროპის სუპერ თასი მოიგო.
1997 წელი
68 წლის ასაკში გარდაიცვალა "ბარსელონას" ყოფილი უნგრელი ფეხბურთელი ზოლტან ციბორი.
1998 წელი
"ბარსელონამ" გულშემატკივრებს პატრიკ კლუივერტი წარუდგინა.
2017 წელი
აგუსტი ბენედიტომ ჟოზეპ მარია ბართომეუსა და მისი გუნდის წინააღმდეგ უნდობლობის საკითხი აღძრა.
ამ სიახლეზე კომენტარები გათიშულია.
კომენტარები [ 7 ]