გავი ბარსელონას ისტორიაში მე-4 ყველაზე ახალგაზრდა ფეხბურთელია

გუშინ "ბარსელონაში" პაბლო პაეს გავირას, იგივე "გავის", დებიუტი შედგა.
"ბარსას" ოფიციალური საიტის ინფორმაციით, 17 წლისა და 24 დღის ასაკში გავი კატალონიური გრანდის მე-4 ყველაზე ახალგაზრდა ფეხბურთელი გახდა, რომელმაც ლურჯ-ბროწეულისფერი მაისურით ლა ლიგაში ითამაშა.
კლუბის ცნობით, გავიზე უკეთესი შედეგი მხოლოდ ვისენს მარტინესს (16 წლის, 10 თვისა და 5 დღის), ანსუ ფატისა (16 წლისა და 298 დღის) და ბოიან კრკიჩს (17 წლისა და 19 დღის) ჰქონდათ.
გავი "ბლაუგრანამ" 2015/16 წლების სეზონში, "ბეტისიდან" გადაიბირა. თავდაპირველად იგი 14-წლამდელთა გუნდში მარკ სერას ხელმძღვანელობით თამაშობდა. გასული სეზონი მან 19-წლამდელთა რიგებში გაატარა, რამდენიმე მატჩი კი "ბარსა ბ-შიც" ჩაატარა.
პრესეზონის პირველ გუნდში გატარების შემდეგ, გავიმ რონალდ კუმანის ნდობა მალევე მოიპოვა, რის გამოც იგი ლა ლიგაშიც ათამაშა.
ამ სიახლეზე კომენტარები გათიშულია.
კომენტარები [ 7 ]