ბარსელონა იუსუფ დემირს გამოისყიდის
18 წლის შემტევი იუსუფ დემირი მომდევნო სეზონიდან "ბარსელონას" სრულფასოვანი წევრი გახდება.
"ბარსამ" დემირი ამ ზაფხულში ვენის "რაპიდიდან" 500 000 ევროს სანაცვლოდ ერთწლიანი იჯარით აიყვანა. "ბლაუგრანას" უფლება აქვს, სეზონის ბოლოს ავსტრიელი ახალგაზრდა 10 მილიონ ევროდ გამოისყიდოს. RAC1-ის ჟურნალისტის, ჟერარ რომეროს ინფორმაციით, კატალონიური კლუბი ამ უფლებას გამოიყენებს.
ბარსელონელი ჟურნალისტის, რამონ სალმურის მიერ გავრცელებული ცნობებით, "ბარსასა" და "რაპიდს" შორის შეთანხმება მოიცავს პუნქტს, რომლის მიხედვითაც, კატალონიელებს დემირის გამოსყიდვის ვალდებულება ექნებათ, თუ იგი პირველ გუნდში 20 მატჩს ჩაატარებს და თითოეულ თამაშში მინიმუმ 45 წუთი ითამაშებს.
იუსუფ დემირის ოფიციალური დებიუტი "ბარსელონაში" შაბათს "ბილბაოსთან" გამართულ მატჩში შედგა. ახალგაზრდა მოთამაშე მოედანზე 62-ე წუთზე გავიდა.
ამ სიახლეზე კომენტარები გათიშულია.
კომენტარები [ 12 ]