Sport: მირალემ პიანიჩი ინტერში გადასვლას განიხილავს
"ბარსელონას" ბოსნიელ ნახევარმცველს, მირალემ პიანიჩს, კატალონიური კლუბის დატოვება სურს.
Sport-ის ცნობით, პიანიჩისთვის პრიორიტეტს "იუვენტუსში" გადასვლა წარმოადგენს, თუმცა ტრანსფერი "ბიანკონერიდან" აარონ რემსის წასვლაზეა დამოკიდებული. ჯერჯერობით, სატრანსფერო ფანჯრის დახურვამდე ორი კვირით ადრე, "იუვენტუსს" უელსელის თაობაზე შეთავაზება არ მიუღია.
შესაბამისად, პიანიჩმა სხვა წინადადებების განხილვა დაიწყო. კატალონიური გამოცემის მტკიცებით, ამ მომენტისთვის, ფავორიტი "ინტერია", თუმცა პიანიჩით კიდევ რამდენიმე კლუბია დაინტერესებული.
2020 წლის ზაფხულში "ბარსამ", არტურ მელოს სანაცვლოდ, პიანიჩი და 10 მილიონი ევრო მიიღო, თუმცა გარიგების დადებიდან ერთი წლის შემდეგ, შეიძლება, ითქვას, რომ ორივე კლუბისთვის, ბარტერი წარუმატებელი გამოდგა.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 3 ]