ერთი დღე "ბარსას" ისტორიაში - 18 აგვისტო
წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 18 აგვისტოს მოხდა.
თამაშები
18 აგვისტოს "ბარსელონამ" 3 ოფიციალური თამაში ჩაატარა, საიდანაც კატალონიელებმა 2 მოიგეს და 1 წააგეს.
1971 წელი
დაიბადა "ბარსელონას" ყოფილი შვედი მცველი პატრიკ ანდერსონი. 2001-2004 წლებში მან "ბლაუგრანას" მაისურით 33 თამაში ჩაატარა და 1 გოლი გაიტანა.
1998 წელი
"ბარსელონას" მაისურით ჩავი ერნანდესის ოფიციალური დებიუტი შედგა. ესპანეთის სუპერ თასზე "მალიორკასთან" 1-2 წაგებულ შეხვედრაში სტუმართაგან ერთადერთი გოლი სწორედ მან გაიტანა.
2004 წელი
"ვილაფრანკასთან" გამართულ ამხანაგურ შეხვედრაში (6-0) "ბარსელონას" შემადგენლობაში სამუელ ეტო'ოსა და დეკუს დებიუტი შედგა.
2013 წელი
ტატა მარტინოსა და ნეიმარის სადებიუტო მატჩში, ლა ლიგის პირველ ტურში "ბარსელონამ" "ლევანტე" 7-0 გაანადგურა. კატალონიელები პირველი ტაიმის შემდეგ უკვე 6-0 იგებდნენ. გოლები მესიმ (2), პედრომ (2), ალვესმა, ჩავიმ და სანჩესმა გაიტანეს.
2014 წელი
გამპერის თასზე "ლეონთან" გამართულ ამხანაგურ შეხვედრაში (6-0) "ბარსელონას" მაისურით ლუის სუარესის დებიუტი შედგა.
ამ სიახლეზე კომენტარები გათიშულია.
კომენტარები [ 4 ]