ერთი დღე "ბარსას" ისტორიაში - 17 აგვისტო

ერთი დღე "ბარსას" ისტორიაში - 17 აგვისტო

წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 17 აგვისტოს მოხდა.

თამაშები

17 აგვისტოს "ბარსელონამ" 4 ოფიციალური თამაში ჩაატარა, საიდანაც კატალონიელებმა 3 მოიგეს და 1 ფრედ დაასრულეს.

1977 წელი

დაიბადა "ბარსელონას" ყოფილი ფრანგი თავდამსხმელი ტიერი ანრი. 2007-2010 წლებში მან "ბლაუგრანას" მაისურით 121 თამაში ჩაატარა და 49 გოლი გაიტანა. ანრიმ კატალონიურ გუნდში 2 ესპანეთის ჩემპიონატი, 1 ჩემპიონთა ლიგა, 1 ესპანეთის თასი, 1 ესპანეთის სუპერ თასი, 1 ევროპის სუპერ თასი და 1 მსოფლიოს საკლუბო ჩემპიონატი მოიგო.

1984 წელი

დაიბადა "ბარსელონას" ყოფილი მცველი როდრი. 2004-2006 წლებში მან "ბლაუგრანას" მაისურით 9 თამაში ჩაატარა. როდრიმ კატალონიურ გუნდში 2 ესპანეთის ჩემპიონატი მოიგო.

2006 წელი

ესპანეთის სუპერ თასის პირველ მატჩში "ბარსელონამ" "ხეტაფე" სტუმრად ლუდოვიკ ჟიულის გოლით დაამარცხა.

იმ მატჩში "ბარსელონას" მაისურით ჯანლუკა ძამბროტას დებიუტი შედგა.

2011 წელი

ესპანეთის სუპერ თასის განმეორებით მატჩში "ბარსელონამ" "რეალი" საკუთარ კედლებში 3-2 დაამარცხა, 2 შეხვედრის ჯამში 5-4 იმარჯვა და თასს დაეუფლა. მასპინძელთაგან გოლები ინიესტამ და მესიმ (2) გაიტანეს.

იმ მატჩში "ბარსელონას" მაისურით სესკ ფაბრეგასის დებიუტი შედგა.

2015 წელი

ესპანეთის სუპერ თასის პირველ მატჩში 0-4 წაგების შემდეგ "ბარსელონამ" ერნესტო ვალვერდეს "ბილბაოსთან" 1-1 ითამაშა. გოლი მესიმ გაიტანა.

2016 წელი

ესპანეთის სუპერ თასის განმეორებით შეხვედრაში "ბარსელონამ" "სევილია" 3-0 გაანადგურა, 2 მატჩის ჯამში კი კატალონიელებმა 5-0 მოიგეს. გოლები არდა თურანმა (2) და მესიმ გაიტანეს.

იმ მატჩში "ბარსელონას" მაისურით სამუელ უმტიტის დებიუტი შედგა.

2018 წელი

"ბარსელონას" ლეგენდარულმა კალათბურთელმა, ხუან კარლოს ნავარომ კარიერა დაასრულა.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 2 ]

    ინფორმაცია
    ამ სიახლეზე კომენტარები გათიშულია.
    საიტის ლეგენდა  [?]
    #2 17 აგვისტო 2021 12:30
    1
    2011 წელი
    ესპანეთის სუპერ თასის განმეორებით მატჩში "ბარსელონამ" "რეალი" საკუთარ კედლებში 3-2 დაამარცხა, 2 შეხვედრის ჯამში 5-4 იმარჯვა და თასს დაეუფლა. მასპინძელთაგან გოლები ინიესტამ და მესიმ (2) გაიტანეს.
    იმ მატჩში "ბარსელონას" მაისურით სესკ ფაბრეგასის დებიუტი შედგა.

    და იმ ფაბრეგასს კინაღამ ფეხი მოტეხა(ცდილობდა, სანამ მსაჯმა არ გააგდო) კიდევ ერთმა მადრიდელმა ვირმა მარსელომ.
    Culé [?]
    #1 17 აგვისტო 2021 12:27
    2
    მშვენიერი დღეა
    --------------------
    THUGS