მესი, პიკე და აგუერო Golden Foot-ისთვის იბრძოლებენ
Golden Foot-ის 2021 წლის ნომინანტთა სია ცნობილია.
ეს არის ჯილდო, რომელიც ფეხბურთელებს განვლილი კარიერის მიხედვით გადაეცემათ. გამოკითხვაში მონაწილეობის მისაღებად საჭიროა, ფეხბურთელი მინიმუმ 28 წლის იყოს და მას კარიერა დასრულებული არ ჰქონდეს.
ნომინანტებს სპორტული ჟურნალისტები ავლენენ, მათ შორის გამარჯვებული კი ინტერნეტ გამოკითხვით ირკვევა.
2021 წლის კანდიდატთან შორის ჟერარ პიკე, ლიონელ მესი და სერხიო აგუერო მოხვდნენ. ჯილდოსთვის იბრძოლებს "ბარსელონას" ყოფილი ფეხბურთელი ნეიმარიც. ნომინანტთა შორის ასევე არიან მოჰამედ სალაჰი, სერხიო რამოსი, რომელუ ლუკაკუ, რობერტ ლევანდოვსკი, ქარიმ ბენზემა და ჯორჯო კიელინი.
Golden Foot ფეხბურთელებს 2003 წლიდან გადაეცემათ. პირველი გამარჯვებული რობერტო ბაჯო იყო, გასულ წელს კი ჯილდო კრიშტიანუ რონალდუს გადაეცა. "ბარსელონას" ფეხბურთელებიდან ეს ჯილდო რონალდოს (2006), რონალდინიოს (2009), იბრაჰიმოვიჩს (2012), ინიესტასა (2014) და ეტო'ოს (2015) მიუღიათ. მათგან იმ დროს "ბარსას" მოთამაშე მხოლოდ ინიესტა იყო, დანარჩენები კი სხვა გუნდებში თამაშობდნენ.
ხმის მიცემა ამ გვერდზე შეგიძლიათ.
ამ სიახლეზე კომენტარები გათიშულია.
კომენტარები [ 6 ]