კლუბის ოფიციალური განცხადება CVC-ს კონტრაქთან დაკავშირებით
CVC CENTRAL PARTNERS-ის მიერ შეთავაზებული კონტრაქტის წინააღმდეგ "ბარსელონამ" ოფიციალური განცხადება ცოტა ხნის წინ გამოაქვეყნა.
კლუბი უკმაყოფილოა CVC-ის მიერ შემოთავაზებული პირობებით და მიუხედავად 38 კლუბის თანხმობისა, მაინც უარზეა. ოფიციალურ განცხადებაში ვკითხულობთ:
"ბარსელონამ" დღეს პროფესიონალური საფეხბურთო ლიგის ასამბლეაზე მიიღო მონაწილეობა. ასამბლეაზე ლა ლიგის ბიზნეს-პარტნიორის CVC MEDIA PARTNERS-ის შემოთავაზება იყო განხილული, რაზეც კლუბებმა თავიანთი პოზიცია დააფიქსირეს.
"ბარსელონას" ასამბლეაზე მატეუ ალემანი წარადგენდა. კლუბმა შემოთავაზებაზე უარი განაცხადა. ამ უარის წყალობით კლუბი შეინარჩუნებს სატელევიზიო უფლებებს და არ იქნება ვალდებული მიიღოს ფინანსური დახმარება 50-წლით სატელევიზიო უფლებების ნაწილის გასხვისების ფასად.
საბოლოოდ ყველას დაამახსოვრდება, რომ სამმა დიდმა ესპანურმა კლუბმა, "ბარსელონამ", "რეალმა" და "ბილბაომ" უარი თქვეს შემოთავაზებულ წინადადებაზე და შეინარჩუნეს თავიანთი მოდელი, რომელიც ასოციაციის, ასამბლეის წევრებისა და დირექტორთა საბჭოს წარმომადგენლების მიერ არის ჩამოყალიბებული. ნახევარსაუკუნოვანი დროით სატელევიზიო უფლებების გასხვისებასთან შედარებით, ეს მოდელი ფეხბურთის განვითარებას უფრო მეტად უწყობს ხელს."
ამ სიახლეზე კომენტარები გათიშულია.
კომენტარები [ 4 ]