UEFA წესის შეცვას აპირებს - რეგულაცია, რომლის გამოც მესიმ ბარსა დატოვა, ყველა კლუბზე გავრცელდება
ინგლისურ პრესაში გავრცელებული ინფორმაციის თანახმად UEFA აპირებს ფინანსურ ფეარ ფლეიში არსებული წესები შეცვალოს. ახალი მოდელით ევროპაში მოქმედი წესები ესპანეთში მოქმედ წესებს დაემსგავსება.
ესპანეთში არსებობს წესი, რომლის მიხედვითაც, კლუბს არ აქვს უფლება ხელფასებში შემოსავლის გარკვეულ ოდენობაზე მეტი დახარჯოს. კონკრეტული ოდენობა ყოველ წელს ყოველ კლუბთან მიმართებაში ინდივიდუალურად დგინდება. სწორედ ამ წესის გამო მოუხდა ლიონელ მესის "ბარსელონადან" წასვლა.
მესი გადავიდა პსჟ-ში, რომელიც ხელფასებში შემოსავლის უფრო დიდ წილს ხარჯავს, ვიდრე "ბარსელონა". თუმცა, ვინაიდან საფრანგეთში ასეთი წესი არ მოქმედებს, პარიზელებმაც მესის დამატება უპრობლემოდ მოახერხეს.
The Times-ის ინფორმაციით, UEFA აპირებს უახლოეს მომავალში ფინანსური ფეარ ფლეის არსებული წესი შეცვალოს. ახალი წესის მიხედვით კლუბებს ხელფასებში შემოსავლის 70%-ზე მეტის დახარჯვის უფლება არ ექნებათ. ეს კლუბებს მეტნაკლებად თანაბარ პირობებში ჩააყენებს და ისეთი უსამართლობა, როგორც მესის ტრანსფერის შემთხვევაში მოხდა, ნაკლებად იქნება მოსალოდნელი.
ამ სიახლეზე კომენტარები გათიშულია.
კომენტარები [ 6 ]