რა სიტუაციაა ახალწვეულების დარეგისტრირებასთან დაკავშირებით
"ბარსელონა" ახალწვეულების დასარეგისტრირებლად მუშაობას განაგრძობს, თუმცა ლა ლიგის დაწყებამდე სულ უფრო ცოტა დრო რჩება და პროცესი რთულდება.
Mundo Deportivo ზემოხსენებულ საკითხთან დაკავშირებულ სიტუაციას გვისახავს.
"ბარსელონა" მშვიდადაა და დარწმუნებულია, რომ ლა ლიგის დაწყებამდე მემფის დეპაისა და ერიკ გარსიას დარეგისტრირებას მოასწრებს. გავრცელებული ინფორმაციით, ემერსონი უკვე დარეგისტრირებულია, სერხიო აგუერო კი ნოემბრამდე იუქმებს და მისი ჩარიცხვა საჩქარო არაა.
"ბლაუგრანას" ფეხბურთელების გაშვება სურს, თუმცა ამას ჯერ-ჯერობით ვერ ახერხებს. სამუელ უმტიტი, მირალემ პიანიჩი და მარტინ ბრეითუეიტი წასვლის მთავარი კანდიდატები არიან, მაგრამ ისინი კვლავ გუნდში ირიცხებიან. ფრანგსა და ბოსნიელს აცნობეს, რომ კლუბის გეგმებში არ შედიან, თუმცა ორივე მათგანი დარჩენას ამჯობინებს და მომავლის საბოლოო გადაწყვეტას უცდის. მათი კონტრაქტები სხვა გუნდებისთვის მიუწვდომელია, ამიტომ ერთადერთი გამოსავალი იჯარით გაშვებაა.
განსხვავებული სიტუაციაა ბრეითუეიტის შემთხვევაში. დანიელის ანაზღაურება დიდი არაა. მარტინის შეძენა ინგლისურ კლუბებს სურთ და "ბარსა" დარწმუნებულია, რომ მის გაშვებას შეძლებს.
"ბლაუგრანა" გუნდის ლიდერებთან ხელფასის შემცირებაზეც მუშაობს, თუმცა ნაკლები წარმატებით. მიუხედავად ამისა, კლუბს სჯერა, რომ მესის გაშვება სხვებისთვის გაფრთხილება იქნება. ფეხბურთელებმა დაინახეს, რომ არგენტინელის დაკარგვის შემდეგ, ადგილი ან კონტრაქტი არავის აქვს გარანტირებული.
ასეა თუ ისე, "ბარსელონა" სიმშვიდეს ინარჩუნებს და დარწმუნებულია, რომ ახალწვეულების დარეგისტრირებას მოახერხებს.
ამ სიახლეზე კომენტარები გათიშულია.
კომენტარები [ 7 ]