რონალდ კუმანი ზალცბურგთან შეხვედრის შემდეგ
"ბარსელონა" პრესეზონის მე-4 შეხვედრაში "ზალცბურგთან" დამარცხდა.
"რედ ბულ არენაზე" კატალონიელები პირველი ტაიმის შემდეგ მარცხდებოდნენ, ანგარიშის გათანაბრება კი 83-ე წუთზე შეძლეს. "ბარსამ" 7 წუთში გოლი საკუთარ კარში კიდევ ერთხელ მაინც მიიღო და ამხანაგურ მატჩებში პირველი მარცხიც იგემა.
წაგებული თამაშის შემდეგ კომენტარი ტრადიციულად რონალდ კუმანმა გააკეთა, რომელმაც სეზონის სტარტისთვის გუნდის სამზადისი და ამჟამინდელი ფორმა შეაფასა.
"მოსამზადებელ შეხვედრებში მთავარი მიზანი ფეხბურთელების ფორმის შეფასება და მათი გაუმჯობესებაა. წაგება არ მიყვარს, მაგრამ კმაყოფილი ვარ იმით, რაც ამ ტურნეს დაწყებიდან ერთ კვირაში შევძელით."
"ჩვენმა მეტოქემ მაღალი ინტენსივობის თამაში შემოგვთავაზა, რაც სეზონის წინ მოსამზადებლად ჩვენთვის სასარგებლო იყო."
"სამი მცველით თამაშმა წინა სეზონში გარკვეული წარმატება მოგვიტანა, მაგრამ ეს იმას არ ნიშნავს, რომ ამავე სისტემით ახალ სეზონშიც ვითამაშებთ."
"მიხარია, რომ გულშემატკივრები ტრიბუნებს დაუბრუნდენ. ჩვენ წარმატების მიღწევა და მათი გახარება გვსურს."
"გამპერის თასზე ბოლო ამხანაგური შეხვედრა მოგვიწევს. ბარსელონაში მყოფი ფეხბურთელები შემოგვიერთდებიან და "იუვენტუსთან" უფრო ძლიერი შემადგენლობით წარვსდგებით."
ლა ლიგის პირველ ოფიციალურ მატჩამდე "ბარსელონა" კიდევ ერთ წინასასეზონო შეხვედრას ჟოან გამპერის თასზე "იუვენტუსის" წინააღმდეგ, 8 აგვისტოს გამართავს.
ამ სიახლეზე კომენტარები გათიშულია.
კომენტარები [ 8 ]