ბარსელონა მორიბას ბოლო შეთავაზების პირობებს არ შეცვლის
"ბარსელონა" არ აპირებს, ილაიშ მორიბას ბოლო შეთავაზება გააუმჯობესოს. ამ ინფორმაციას Mundo Deportivo ავრცელებს.
წყაროს ცნობით, "ბარსა" მორიბას ხელფასის გაზრდასა და პირველ გუნდში დაწინაურებას სთავაზობს, მაგრამ, როგორც ჩანს, ეს საკმარისი არაა იმ ფეხბურთელისთვის, რომელსაც შემოთავაზებები სხვა დიდი კლუბებისგანაც აქვს.
კატალონიური ჟურნალისტების ინფორმაციით, "ბლაუგრანა" 18 წლის მოთამაშეს უკეთეს შეთავაზებას აღარ გაუკეთებს. კლუბი უკანასკნელი შეთავაზების პირობებს არ შეცვლის.
AS იტყობინება, რომ კატალონიური კლუბი მორიბასა და მის აგენტების დამოკიდებულებით 5-თვიანი მოლაპარაკებების შემდეგ უკმაყოფილოა. "ბარსელონას" არ ესმის, რატომ აქვს ილაიშს ასეთი დამოკიდებულება, როდესაც, მაგალითად, ნიკო გონსალესი და ალეხანდრო ბალდე ახალ კონტრაქტებს დასთანხმდნენ.
გავრცელებული ინფორმაციით, აგენტებს მორიბას ხელფასის გასამმაგება უნდათ, რაზეც "ბარსა" თანახმა არაა.
ამ სიახლეზე კომენტარები გათიშულია.
კომენტარები [ 11 ]