რა პოზიციაზე ითამაშებს მემფისი ბარსელონაში
"ბარსელონას" ახალწვეულმა, მემფის დეპაიმ "ჟირონას" წინააღმდეგ "ლურჯ-ბროწეულისფერი" მაისურით პირველი მატჩი უკვე ჩაატარა.
ნიდერლანდელი კატალონიური გუნდის წინააღმდეგ ცენტრალური თავდამსხმელის პოზიციაზე მოგვევლინა. Mundo Deportivo-ს ინფორმაციით, 27 წლის ფეხბურთელი სეზონის განმავლობაში სწორედ ამ პოზიციაზე იასპარეზებს. რონალდ კუმანი მემფისს ეროვნულ ნაკრებში სწორედ აქ ათამაშებდა.
დეპაი მოძრავი ცხრა ნომერი იქნება, რომელსაც მარცხენა ფლანგზე თამაში და უკან დახევაც შეეძლება. კუმანს შეტევაში, მემფისთან ერთად, ლეო მესის და, გამოჯანმრთელების შემთხვევაში, ანსუ ფატის დაყენება სურს. თუმცა, თუ ანტუან გრიზმანი გუნდში დარჩა, სასტარტო თერთმეტეულში სწორედ ის მოგვევლინება.
MD-ს ცნობით, როდესაც ძირითად შემადგენლობაში სერხიო აგუერო მოხვდება, დეპაი მარცხენა ფლანგს დაიკავებს. აღსანიშნავია, რომ აქამდე გავრცელებული ცნობების თანახმად, "ბარსას" შემტევი ტრიო სწორედ დეპაი-აგუერო-მესი უნდა ყოფილიყო.
მემფის დეპაის პრეზენტაცია "ბარსელონაში" რამდენიმე დღის წინ შედგა. მან კონტრაქტი 2023 წლამდე გააფორმა.
ამ სიახლეზე კომენტარები გათიშულია.
კომენტარები [ 7 ]