გავი პრესეზონს პირველ გუნდთან ერთად გააგრძელებს
Sport-ის მიერ გავრცელებული ინფორმაციის თანახმად, "ბარსელონა ბ-ს" რამდენიმე ფეხბურთელი, რომლებმაც სეზონისწინა მზადების პირველ 2 ამხანაგურ მატჩში მონაწილეობა მიიღეს, სარეზერვო გუნდში უკვე დაბრუნდა, მაგრამ ეს გავის არ ეხება.
წყაროს ცნობით, რონალდ კუმანი 16 წლის ნახევარმცველით მოხიბლულია და იგი პირველ გუნდში პრესეზონის ბოლომდე დარჩება.
კატალონიელი ჟურნალისტების ინფორმაციით, ნიდერლანდელი სპეციალისტი ახალგაზრდა ესპანელის დახვეწილი ტექნიკითა და კარგი დაცვითი თვისებებით აღფრთოვანებულია. გასული სეზონით თუ ვიმსჯელებთ, "ბარსას" მწვრთნელს სურს, რომ მისი ნახევარმცველები შეტევაშიც და დაცვაშიც კარგად მოქმედებდნენ.
"ბარსელონა" მომდევნო კვირაში გერმანიაში გაემგზავრება და "შტუტგარტთან" ამხანაგურ თამაშს გამართავს, რის შემდეგაც "ბლაუგრანა" "ზალცბურგს" კვლავ სტუმრად დაუპირისპირდება. ივარაუდება, რომ გავი აღნიშნული მატჩებისთვის პირველ გუნდთან ერთად გაემგზავრება.
ამ სიახლეზე კომენტარები გათიშულია.
კომენტარები [ 6 ]