ბარსელონას გრიზმანის ფელიშში გაცვლა სურს
"ბარსელონასა" და "ატლეტიკოს" შორის მიმდინარე მოლაპარაკებებში სიტუაცია შეიცვალა. კატალონიური კლუბი ანტუან გრიზმანის ნაცვლად ახლა ჟოაუ ფელიშს ითხოვს და არა საულ ნიგესს. ამ ინფორმაციას Sport ავრცელებს.
გრიზმანისა და საულის გაცვლაში პრობლემა ის იყო, რომ ფეხბურთელების ღირებულება მნიშვნელოვნად განსხვავდება და "ბარსელონა" თანხის დამატებას ითხოვდა, რაც "ატლეტიკოსთვის" პრობლემაა, რადგან კატალონიელების მსგავსად ფინანსური სირთულეები მადრიდელებსაც აქვთ. განიხილებოდა საულის გარდა კიდევ ერთი ფეხბურთელის დამატების ვარიანტიც, მაგრამ ეს "ბლაუგრანას" არ აწყობდა, რადგან ერთის ნაცვლად ორი ფეხბურთელის მიღებით სახელფასო ფონდის მნიშვნელოვნად შემცირება არ გამოდიოდა.
ბოლო წუთებში გავრცელებული ინფორმაციის თანახმად "ბარსელონამ" საქმეში ჟოაუ ფელიშის ჩართვა მოითხოვა, რომლის ფასიც გრიზმანის ფასთან მიახლოებულია. ჯერჯერობით უცნობია, რამდენად შორსაა მოლაპარაკები წასული ამის შემდეგ.
ამ სიახლეზე კომენტარები გათიშულია.
კომენტარები [ 23 ]