ანტუან გრიზმანი-საულ ნიგესის ბარტერი გარდაუვალია | COPE
ბოლო პერიოდში კატალონიის "ბარსელონადან" ანტუან გრიზმანის წასვლისა და მადრიდის "ატლეტიკოში" შესაძლო დაბრუნების შესახებ ბევრი დაიწერა.
ახლა კი, COPE-ს ინფორმაციით, "ბლაუგრანა" და "როხიბლანკო" მოლაპარაკებებს აგრძელებენ და გრიზმანი-საულ ნიგესის ბარტერს მალე განახორციელებენ - აღნიშნული გაცვლა გარდაუვალია.
ასევე, ზემოხსენებული წყარო დასძენს, რომ ეს გარიგება, შესაძლოა, მხოლოდ პრეზიდენტ ლაპორტას მიერ ბოლო მომენტში მიღებულმა გადაწყვეტილებამ ჩაშალოს. რაც შეეხება მეორე მხარეს, დიეგო სიმეონე თავისი ყოფილი შეგირდის კვლავ შეძენას მიესალმება.
როგორც ცნობილია, ფრანგს "კამპ ნოუდან" აბარგება არ სურს, თუმცა "ჩოლოს" გუნდში დაბრუნების წინააღმდეგი არ იქნება. თავის მხრივ, საული, მიუხედავად იმისა, რომ მადრიდულ კლუბთან კონტრაქტი კიდევ 5 წლით აკავშირებს, ახალი გამოწვევისთვის მზადაა.
ანტუანს, რომელიც "ლურჯ-ბროწეულისფერთა" რიგებში 2019 წლიდან ასპარეზობს, ამჟამინდელი ხელშეკრულება 2024 წლამდე აქვს გაფორმებული.
ამ სიახლეზე კომენტარები გათიშულია.
კომენტარები [ 15 ]