ინიაკი პენიას მომავალი გაურკვეველია - Sport
"ბარსელონას" სარეზერვო გუნდის მეკარის, ინიაკი პენიას მომავალი ბურუსითაა მოცული. ამის შესახებ ინფორმაციას Sport ავრცელებს.
წყაროს ცნობით, ამ დროისთვის 22 წლის კარის დარაჯის მომავალი გაურკვეველია. იმედისმომცემმა მეკარემ "ბარსელონა ბ-ში" დაამტკიცა, რომ იგი კარიერაში უფრო დიდი გამოწვევებისთვის უკვე მზადაა.
Sport იტყობინება, რომ პენია "ბარსადან" წასვლას განიხილავს, თუ იგი კლუბისგან ნდობას არ იგრძნობს.
იმავე წყაროს ინფორმაციით, ნეტუს წასვლის შემთხვევაში, რონალდ კუმანი გამოცდილი მეკარის გაფორმებას ისურვებდა. თუ ბრაზილიელი კიპერი დარჩება, ინიაკის პირველ გუნდში მოხვედრის შანსები შემცირდება.
"ბარსას" ტექნიკური გუნდის პოზიცია განსხვავებულია. ისინი პენიას ნდობას უცხადებენ და მიიჩნევენ, რომ მისი დრო მოვიდა.
ინიაკი პენია "ბარსას" სკოლის აკადემიაში 2012 წლიდან ირიცხება. ესპანელი მეკარე ამჟამად "ბარსელონა ბ-ს" ღირსებას იცავს.
ამ სიახლეზე კომენტარები გათიშულია.
კომენტარები [ 2 ]