Sport: ბარსელონას არ სურს, რომ "სუარესის შეცდომა" გაიმეოროს
Sport-ის ცნობით, "ბარსელონას" დირექტორთა საბჭოს ერთ ნაწილს არ სურს, რომ კლუბმა ანტუან გრიზმანი "ატლეტიკოში" გაუშვას.
"ბარსელონაში" თვლიან, რომ "სუარესის შეცდომის" კიდევ ერთხელ დაშვება და კონკურენტი გუნდის გაძლიერება დაუშვებელია, განსაკუთრებით, იმის ფონზე, რომ ურუგვაელი "როხიბლანკოში" გადასვლისას 33 წლის იყო და მუხლის სერიოზული ტრავმა ახალი მოშუშებული ჰქონდა, თუმცა მადრიდული კლუბის ჩემპიონობაში მნიშვნელოვანი როლის თამაში მაინც შეძლო. გრიზმანი კი უფრო ახალგაზრდაა (30 წლის), კარგ ფიზიკურ ფორმაშია და "ატლეტიკოს" კარგად იცნობს.
გამომდინარე აქედან, ფრანგის სერია A-ში ან პრემიერ ლიგაში გაყიდვა უფრო მისაღებ ვარიანტად განიხილება. თავად ფეხბურთელისთვის, პრიორიტეტს "ატლეტიკოში" დაბრუნება წარმოადგენს.
"ბარსელონას" სურს, რომ გრიზმანის ტრანსფერი რაც შეიძლება დროულად განხორციელდეს, რათა კლუბმა ლეო მესისთან ახალი ხელშეკრულების დადება მალე შეძლოს.
ამ სიახლეზე კომენტარები გათიშულია.
კომენტარები [ 5 ]