ერთი დღე "ბარსას" ისტორიაში - 9 ივლისი
წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 9 ივლისს მოხდა.
თამაშები
9 ივლისს "ბარსელონას" ოფიციალური თამაში არ ჩაუტარებია.
1995 წელი
დაიბადა "ბარსელონას" ყოფილი თავდამსხმელი სანდრო რამირესი. 2013-2016 წლებში "ბლაუგრანას" მაისურით ჩატარებულ 33 თამაშში მან 7 გოლი გაიტანა. სანდრომ კატალონიურ კლუბში 2 ესპანეთის ჩემპიონატი, 2 ესპანეთის თასი, 1 ჩემპიონთა ლიგა, 1 მსოფლიოს საკლუბო ჩემპიონატი და 1 ევროპის სუპერ თასი მოიგო.
2000 წელი
"ბარსელონას" ფეხბურთელმა, ლუიშ ფიგუმ "რეალ მადრიდში" მის გადასვლასთან დაკავშირებით გავრცელებულ ხმებზე შემდეგი კომენტარი გააკეთა: "მინდა გულშემატკივრები დავარწმუნო, რომ 24 ივლისს, სეზონის დაწყების დროს ლუიშ ფიგუ "კამპ ნოუზე" იქნება. მინდა შეგახსენოთ, რომ რაც არ უნდა ითქვას სხვა კლუბებზე, ლუიშ ფიგუს "ბარსელონასთან" კონტრაქტი აკავშირებს".
2007 წელი
75 წლის ასაკში გარდაიცვალა "ბარსელონას" ყოფილი მცველი ესტებან არეტა.
2023 წელი
88 წლის ასაკში გარდაიცვალა "ბარსელონას" ყოფილი ნახევარმცველი ლუის სუარეს მირამონტესი.
ამ სიახლეზე კომენტარები გათიშულია.
კომენტარები [ 2 ]