რაფა მარკესთან მოლაპარაკებები ჩაიშალა - მექსიკელი ლეგენდა ბარსაში არ დაბრუნდება

"ბარსელონას" მექსიკელი ლეგენდა რაფაელ მარკესი კატალონიურ კლუბში არ დაბრუნდება. ამის შესახებ ინფორმაციას Sport ავრცელებს.

დაახლოებით 2 თვის წინ გავრცელდა ცნობები, რომელთა თანახმადაც, მარკესი მომდევნო სეზონში "ბარსას" სკოლის აკადემიის ერთ-ერთ ასაკობრივ გუნდს, "ჟუვენილ A-ს" ჩაიბარებდა. "ბლაუგრანა" მექსიკელთან მოლაპარაკებებს აწარმოებდა, თუმცა, Sport-ის მიერ ახლახან გავრცელებული ინფორმაციით, მოლაპარაკებები ჩაიშალა.

კატალონიური წყაროს ცნობით, "ჟუვენილ A-ს" მთავარი მწვრთნელი "ჟუვენილ B-ს" ამჟამინდელი დამრიგებელი ოსკარ ლოპესი გახდება.

ივარაუდება, რომ ლოპესის დაწინაურებას "ლა მასიას" სამწვრთნელო შტაბში უფრო მეტი ცვლილებები მოჰყვება.