პედრი: დავისვენებ და ოლიმპიადაზე ვითამაშებ
"ბარსელონას" 18 წლის ნახევარმცველი, პედრი გონსალესი, ოლიმპიადაზე გამგზავრების შესახებ კომენტარს აკეთებს.
ბოლო პერიოდში, ესპანური მედია პედრის ესპანეთის ოლიმპიურ ნაკრებში გამოძახების თემას აქტიურად განიხილავდა. "ბარსელონას" არ სურდა, რომ ახალგაზრდა ფეხბურთელს, დატვირთული სეზონის შემდეგ, ტოკიოს ოლიმპიადაზეც ეთამაშა, თუმცა ფეხბურთის ფედერაციამ კატალონიური კლუბის თხოვნას უარით უპასუხა.
ევროპის ჩემპიონატის დაწყებამდე, ლუის დე ლა ფუენტემ (ესპანეთის ოლიმპიური ნაკრების მწვრთნელი) დამირეკა და მკითხა, ვითამაშებდი თუ არა ოლიმპიადაზე. ჩემთვის, ფეხბურთის თამაში პრობლემას არ წარმოადგენს.
"ბარსელონას" პოზიციის მესმის, მაგრამ კლუბს შევატყობინებ, დასვენებული დავბრუნდები. ევროპის ჩემპიონატის დასრულების შემდეგ, დავისვენებ, ძალებს აღვიდგენ და ოლიმპიადაზე ვითამაშებ. სწორი კვებისა და სათანადო დასვენების შემთხვევაში, ენერგია ყველაფრისთვის გექნება.
ამ თემაზე კუმანს ჩემთან არ უსაუბრია. მან მე მეოთხედფინალსა და ნახევარფინალში გასვლა მომილოცა, მისი მადლიერი ვარ.
- პედრის სიტყვებს Sport ციტირებს.
ახალგაზრდა ფეხბურთელს ხვალ, ესპანეთთან ერთად, იტალიის ნაკრებთან დაპირისპირება ელის.
ამ სიახლეზე კომენტარები გათიშულია.
კომენტარები [ 8 ]