ვიმედოვნებ, აგუერო გოლებს ბარსელონას მაისურშიც გაიტანს - ერიკ გარსია
კატალონიის "ბარსელონას" ახალწვეული, ერიკ გარსია ესპანეთის ეროვნულ ნაკრებსა და სერხიო აგუეროზე საუბრობს:
ძალიან დიდი ამბიციები გვაქვს. მუდამ წინ მივიწევთ. გუნდი შესანიშნავადაა დაკომპლექტებული და ვარჯიშებზეც ბოლომდე იხარჯება - მსგავსი რამ არასდროს მინახავს.
გოლის გატანა ნაკრების ყველა ფეხბურთელს შეუძლია. ალვარო მორატას შვედეთთან არ გაუმართლა, მაგრამ ყველამ ვიცით, თუ რა დონის მოთამაშეზე ვსაუბრობთ. მას თავდაჯერება არ აკლია და ბევრი გოლი გააქვს.
მოვაგვარებ თუ არა "ბარსას" პრობლემებს აგუეროსთან ერთად? ვფიქრობ, კლუბს გავაძლიერებთ. სერხიოზე ბევრი საუბარი საჭირო არაა, მან ინგლისში ძალიან ბევრი გოლი გაიტანა. ვიმედოვნებ, მეტოქეთა დამწუხრებას "ბლაუგრანას" მაისურითაც გააგრძელებს.
ერიკ გარსია და სერხიო აგუერო "ლურჯ-ბროწეულისფერებმა" მიმდინარე ზაფხულში, "მანჩესტერ სიტიდან" დაიმატეს.
ამ სიახლეზე კომენტარები გათიშულია.
კომენტარები [ 6 ]