იუვენტუსი დემბელეს 5-წლიან კონტრაქტს სთავაზობს

ტურინის "იუვენტუსი" "ბარსელონას" თავდამსხმელის, უსმან დემბელეს გადაბირებას ცდილობს. ამის შესახებ ინფორმაციას Catalunya Radio ავრცელებს.

კატალონიის რადიოს ცნობით, "იუვენტუსმა" დემბელეს მიმზიდველი კონტრაქტი შესთავაზა - 5-წლიანი ხელშეკრულება და 12 მილიონი ევრო ხელფასი წელიწადში. თუმცა, ტურინელთა პირობა ასეთია: უსმანმა "ბარსასთან" კონტრაქტის ვადა უნდა ამოწუროს და "ბიანკონერის" მომავალი წლის ზაფხულში თავისუფალი აგენტის სტატუსით, უფასოდ შეუერთდეს.

Mundo Deportivo-ს ინფორმაციით, ფრანგი შემტევის "ბარსელონურ" კარიერასთან დაკავშირებით დღევანდელი დღე მნიშვნელოვანია. დღეს კატალონიური კლუბის წარმომადგენლები 24 წლის ფეხბურთელის აგენტებს შეხვდებიან და მის მომავალს გადაწყვეტენ.