ბრეითუეიტი ერიკსენის შესახებ: ეს საშინელება იყო
"ბარსელონას" დანიელმა შემტევმა, მარტინ ბრეითუეიტმა, მედიასთან ფინეთთან მატჩში მომხდარი ინციდენტი გაიხსენა, როდესაც თანაგუნდელ კრისტიან ერიკსენს მოედანზე გულის შეტევა დაეწყო.
ის სიტუაცია ჩემზე ახლაც მოქმედებს, მაგრამ მთავარია, რომ კრისტიანი უკეთაა და ამიტომ, მეც უკეთ ვარ. ადამიანისთვის, ჯანმრთელობა ყველაზე მნიშვნელოვანია. ეს საშინელი გამოცდილება იყო. მინდა, რომ ეს კადრები ჩემი გონებიდან ამოვშალო.
გონების დაკარგვის შემდეგ, ერიკსენს გული გაუჩერდა. ექიმები კი მას გულის მასაჟს უკეთებდნენ. ამ დროს, დანიის ნაკრების ფეხბურთელები ერიკსენს ჩამოეფარნენ, რათა იგი კამერებისგან დაეცვათ.
არ ვიცი, ეს როგორ დავიწყეთ, ყველაფერი ბუნებრივად მოხდა. გვინდოდა, რომ კრისტიანს რამენაირად დავხმარებოდით.
ერიკსენის მდგომარეობის დასტაბილურების შემდეგ, შეწყვეტილი მატჩი გაგრძელდა, რომელშიც გამარჯვება ფინელებს დარჩათ.
თამაში კარგად არ მახსოვს, მაშინ, ჩემი გონება სხვაგან იყო. ფეხბურთის სათამაშოდ საუკეთესო დრო ნამდვილად არ ყოფილა.
დღეს, ერიკსენმა, თავისი აგენტის მეშვეობით, საჯარო განცხადება გაავრცელა, რომლითაც გულშემატკივრებს თანადგომისთვის მადლობა გადაუხადა.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 2 ]