ლიონელ მესი: ეს კოპა ამერიკა განსაკუთრეულია
"ბარსელონას" ვარსკვლავმა ლიონელ მესიმ Ole-სთან არგენტინის ნაკრებში წარსულ წარუმატებლობასა და მოახლოებულ კოპა ამერიკაზე ისაუბრა.
ძნელია იმის თქმა, თუ როგორ გრძნობ თავს, რადგან ასეთი მხარდაჭერის გამოხატვა ასეთ პირობებში რთულია. არგენტინელი ხალხის მხარდაჭერით ვამაყობ.
ზედიზედ 3 წაგებული ფინალი? ჩვენ გამოვიარეთ ის ეტაპი, როდესაც ვფიქრობდი, რომ უფრო მეტი სიამოვნების მიღება შეგვეძლო. იმ გუნდში იყვნენ ისეთი ფეხბურთელები, რომლებსაც არასდროს უნახავთ არგენტინა მსოფლიო ჩემპიონატის ან კოპა ამერიკის ფინალში.
ვფიქრობ, ჩვენ არ მიგვიღია ის დამსახურება, რასაც იმ დროს ვიმსახურებდით. იმ გუნდისთვისაც კი ბევრი რაღაცისთვის ბრძოლა რთული იყო. ცხადია, ჩვენ პირველები ვართ, რომელბსაც გვინდოდა ყველაფრის ჩემპიონები გავმხდარიყავით. ახლოს ვიყავით.
პრესის გამოხმაურება ნაკრების წარუმატებლობაზე? ვგრძნობდი, რომ გვიტევდნენ. თუმცა, ვფიქრობ, დღეისათვის განსხვავებული სიტუაციაა. არსებობს ბევრი ახალგაზრდა ფეხბურთელი, რომლებმაც ნაკრების გამო ყველაფერი გაიღეს.
ეროვნული გუნდი ყველას ეკუთვნის. უნდა გავერთიანდეთ, რათა მაქსიმუმის მიღწევას შევეცადოთ: მსოფლიოსა და კოპა ამერიკის თასის აღმართვა. ეს თითოეული ჩვენგანის სამუშაო. ფანები და ჟურნალისტებიც ჩვენს გვერდით უნდა იდგნენ.
მოახლოებული კოპა ამერიკა? მთელი გუნდი მონდომებულია. კოპაზე თამაშს მოუთმენლად ველით. ეს კოპა ამერიკა განსაკუთრებულია. ასევენ განსხვავებულია იმ ფაქტის გამო, რომ გულშემატკივრები არ იქნებიან. თუმცა, მიუხედავად ამისა, პირადად მე ამ ტურნირზე თამაში ძალიან მინდა.
კოპა ამერიკა სტარტს ხვალ აიღებს. "ალბისელესტე" პირველ თამაშს ხვალ ღამით თბილისის 01:00 საათზე გამართავს.
ამ სიახლეზე კომენტარები გათიშულია.
კომენტარები [ 9 ]