ერთი დღე "ბარსას" ისტორიაში - 12 ივნისი

წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 12 ივნისს მოხდა.

თამაშები

12 ივნისს "ბარსელონას" 6-ჯერ უთამაშია. კატალონიელებმა 3 მატჩი მოიგეს და 3 წააგეს.

1963 წელი

პელემ "კამპ ნოუზე" ბოლოჯერ ითამაშა. მისი "სანტოსი", რომელიც იმ დროს მსოფლიოს საუკეთესო გუნდი იყო, 0-2 დამარცხდა. "ბარსელონას" მხრიდან გოლები პერედამ და საბალიამ გაიტანეს.

1992 წელი

დაიბადა "ბარსელონას" ყოფილი ბრაზილიელი ფეხბურთელი ფილიპე კოუტინიო. 2018-2021 წლებში მან "ბლაუგრანას" მაისურით 106 თამაში ჩაატარა, 26 გოლი გაიტანა და 13 საგოლე გადაცემა გააკეთა. კოუტინიომ "ბარსელონაში" 2 ლა ლიგა, 2 ესპანეთის თასი და 1 ესპანეთის სუპერ თასი მოიგო.