ინტერვიუ პედრისთან: იმედი მაქვს, მესი დარჩება
"ბარსელონას" ესპანელმა ტალანტმა პედრიმ El Larguero-ს ინტერვიუ მისცა, რომელშიც საინტერესო საკითხებზე ისაუბრა.
ლიონელ მესი
იმედი მაქვს, მესი "ბარსაში" დარჩება, მაგრამ ეს მისი გადასაწყვეტია. ლეო რჩევებს ყოველთვის მაძლევდა. თუ მსოფლიოს საუკეთესო ფეხბურთელი რაღაცას გეუბნება, მას უნდა მოუსმინო.
ესპანეთის ნაკრები
ლუის ენრიკე რომ მიკავშირდება, ეჭვი არავის შეეპაროს, რომ ჩემი შესაძლებლობების 100%-ს გავიღებ. ყველაფერს გავაკეთებ, რაც შემიძლია. ვისიამოვნებ იმ შანსით, რომელიც მივიღე.
"ბარსაში" და ეროვნულ გუნდში თამაში ერთმანეთისგან ძალიან განსხვავებული არაა. ლუის ენრიკე მთხოვს, სახიფათო მომენტის შესაქმნელად პასები შეტევის დაწყების ფაზაში მივიღო.
სერხიო რამოსის არყოფნა ევროპის ჩემპიონატზე
ეს მწვრთნელის გადაწყვეტილებაა. შევეცდებით, რაც შეგვიძლია, ყველაფერი გავაკეთოთ, რათა რამოსმა ჩვენით იამაყოს.
რონალდ კუმანი
კუმანის მადლობელი ვარ, რადგან მან სათამაშო დრო მომცა. მისი ბედი კლუბმა უნდა გადაწყვიტოს. ამაში არ ჩავერევი. ეს პრეზიდენტმა უნდა გადაწყვიტოს.
ევროპის ჩემპიონატის ფავორიტები
ფავორიტები ვართ. თავდაჯერებულები უნდა ვიყოთ. მირჩევნია, სხვა გუნდებზე მაღლა ჩვენ ვიდგეთ, ვიდრე პირიქით იყოს.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 4 ]