რა სქემით ითამაშებს ბარსელონა აგუეროსთან ერთად - 3 ვარიანტი
გუშინ კატალონიის "ბარსელონამ" სერხიო აგუერო ოფიციალურად წარადგინა - ასეთი ტიპის ფეხბურთელის დამატების შემდეგ, რონალდ კუმანს (თუ დარჩება) შეტევის ხაზის დასაკომპლექტებლად მეტი ვარიანტი გაუჩნდება.
ახლა კი, Tribuna.com გვთავაზობს 3 ფორმაციას, თუ როგორ შეიძლება არგენტინელი "ბარსას" თერთმეტეულში ჩაჯდეს:
1 ვარიანტი
ტერ შტეგენი; მინგესა, არაუხო, ლანგლე; დესტი, დე იონგი, პედრი, ალბა; მესი, აგუერო, გრიზმანი.
აგუეროსთან ერთად, ნიდერლანდელ სპეციალისტს შეუძლია, გუნდი 3-4-3 სქემაზე გადააწყოს და უფრო შემტევი გახადოს. ამ პირობებში კუნი მეტოქის საჯარიმოში იმოქმედებს, მესი და გრიზმანი კი შანსების შექმნაზე იქნებიან ორიენტირებულნი და მის უკან განლაგდებიან.
2 ვარიანტი
ტერ შტეგენი; დესტი, მინგესა, არაუხო, ალბა; ბუსკეტსი, დე იონგი, პედრი; მესი, აგუერო, ანსუ ფატი.
კიდევ ერთი შესაძლო ვარიანტი 4-3-3 ტაქტიკის დაბრუნებაა, რათა კუმანმა ლაპორტას მოთხოვნა შეასრულოს და შემტევი ფეხბურთი ითამაშოს. ამ შემთხვევაში ანსუმანე მარცხენა ფლანგს ჩაიბარებს, ლეო მესი მარჯვნივ დადგება, აგუერო კი, ლუის სუარესის მსგავსად, 9-იანის პოზიციას დაიკავებს.
3 ვარიანტი
ტერ შტეგენი; მინგესა, არაუხო, ლანგლე; დემბელე, დე იონგი, ბუსკეტსი, პედრი, ალბა; მესი, აგუერო.
თუ მწვრთნელი ამჟამინდელ 3-5-2 სისტემას შეინარჩუნებს, აგუეროს შეუძლია ამ ფორმაციასაც მოერგოს - კუნი თავის მეგობარ ლეოსთან შეტევაში იმოქმედებს და ანტუან გრიზმანზე მეტ ხიფათს შექმნის, ვინაიდან, ფრანგი სიღრმეში ხშირად იწევს.
ამ სიახლეზე კომენტარები გათიშულია.
კომენტარები [ 10 ]