ალბერტო მორენო: მეგონა, რომ ბარსაში კოუტინიო ახალი რონალდინიო გახდებოდა
"ვილიარეალის" ესპანელი ფეხბურთელი, ალბერტო მორენო, ყოფილი თანაგუნდელის, ფილიპე კოუტინიოს შესახებ საუბრობს.
მორენო "ლივერპულში", ბრაზილიელთან ერთად, 2014-2018 წლებში ასპარეზობდა. მისი თქმით, კოუტინიოს კარიერა ისე არ წარიმართა, როგორც იგი ელოდა.
როდესაც ფილიპე "ბარსელონაში" გადავიდა, ვფიქრობდი, რომ იგი "ახალი რონალდინიო" გახდებოდა და მისი მესისთან ერთად ხილვა საოცარი იქნებოდა. არ ვიცი, რა მოხდა, გაკვირვებული ვარ. "ბარსაში" თამაში რთულია. მენტალურად, ძლიერი უნდა იყო, რათა მსოფლიში საუკეთესოს გვერდით თამაში შეძლო.
მე მაინც ვფიქრობ, რომ მათ შორის, ვისთან ერთადაც მითამაშია, კოუტინიო საუკეთესოა. იგი ისეთ რამეებს აკეთებდა, რაც მხოლოდ მას შეეძლო. ვარჯიშებზე საოცრებებს სჩადიოდა, ბურთს ზუსტად იქ სვამდა, სადაც წინასწარ იტყოდა. მას ყველაფერი შეეძლო.
- ამბობს მორენო The Guardian-თან ინტერვიუში.
დღეს, თბილისის დროით 23:00 საათზე, მორენოს, "ყვითელ წყალქვეშა ნავთან" ერთად, ევროპა ლიგის ფინალი ელის.
ამ სიახლეზე კომენტარები გათიშულია.
კომენტარები [ 6 ]