ერთი დღე "ბარსას" ისტორიაში - 25 მაისი

წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 25 მაისს მოხდა.

თამაშები

25 მაისს "ბარსელონას" 10-ჯერ უთამაშია. კატალონიელებმა 8 მატჩი მოიგეს, 0 ფრედ დაასრულეს და 2 წააგეს.

1918 წელი

დაიბადა "ბარსელონას" ყოფილი თავდამსხმელი ორასიო კაზარინი.

1924 წელი

დაიბადა "ბარსელონას" ყოფილი თავდამსხმელი ისტვან ნიერსი.

1947 წელი

დაიბადა "ბარსელონას" ყოფილი თავდამსხმელი ლუის პუჟოლი. 1964-1973 წლებში მან "ბლაუგრანას" მაისურით 90 თამაში ჩაატარა და 24 გოლი გაიტანა. კატალონიურ კლუბთან ერთად მან 2 ესპანეთის თასი და 2 ბაზრობათა თასი (ამჟამინდელი ევროპა ლიგა) მოიგო.

1947 წელი

"ტარაგონასთან" სტუმრად გამართული შეხვედრა (2-3) "ბარსელონასთვის" ესპანეთის თასზე მოგებული მე-100 თამაში გამოდგა.

1952 წელი

ესპანეთის თასის ფინალში "ბარსელონამ" "ვალენსიასგან" გოლი მე-17 წამზე გაუშვა, მაგრამ თამაში 4-2 მოიგო და თასის გამარჯვებული ზედიზედ მეორედ გახდა.

1958 წელი

ესპანეთის თასზე "ბარსელონამ" "სარაგოსა" 8-0 გაანადგურა. გოლები კუბალამ (3), ეულოხიო მარტინესმა (2), ლუის სუარესმა (2) და ტეხედამ გაიტანეს.

1966 წელი

ბაზრობათა თასზე "ბარსელონამ" "ჩელსი" 5-0 გაანადგურა. გოლები რიფემ (2), ფუსტემ (2) და საბალიამ გაიტანეს.

2012 წელი

პეპ გვარდიოლას მწვრთნელობის დროს ჩატარებულ ბოლო თამაშში "ბარსამ" "ბილბაო" ესპანეთის თასის ფინალში 3-0 დაამარცხა.