"ბარსელონა" და ნეიმარი სასამართლო დავის დასრულებასთან ახლოს არიან
"ბარსელონასა" და მის ყოფილ ფეხბურთელს, ნეიმარს შორის მიმდინარე სასამართლო დავა დასასრულს უახლოვდება. El mundo-ს ცნობით, მხარეები შეთანხმების მიღწევასთან ახლოს არიან. კატალონიელები მზად არიან ნეიმარს 16.7 მილიონი ევრო აპატიონ, თუკი ფეხბურთელი უარს იტყვის საჩივარზე, რომლითაც ბრაზილიელი "ბლაუგრანას" 3.5 მილიონი ევროსა და განახლებად ბონუსად 43,65 მილიონი ევროს გადახდას აკისრებს.
"ბარსელონასა" და ნეიმარს შორის უთანხმოება მას შემდეგ დაიწყო, რაც 2017 წელს ფეხბურთელმა კლუბი დატოვა. ბრაზილიელს "ბლაუგრანასთან" განახლებულ კონტრაქტზე ხელი უკვე მოწერილი ჰქონდა, როცა პსჟ-მ მისი ტრანსფერი გამოაცხადა. ნეიმარი სწორედ კონტრაქტის განახლებისთვის ბონუსს 43,65 მილიონ ევროს ითხოვდა. "ბარსელონამ" კი თანხა არ გადაიხადა, რადგან, მათივე თქმით, ნეიმარმა კლუბი დატოვა.
El mundo-ს ცნობით, საქმე რამდენიმე კვირაში დაიხურება.
ამ სიახლეზე კომენტარები გათიშულია.
კომენტარები [ 5 ]